$1000 Developer Bundle for Free (University Students Only)

ඔන්න මේ මාසේට දෙවෙනි පොස්ට් ඒකත් දාන්න හදන්නේ. Non Academic staff එකට පින්සිද්ද වෙන්න බ්ලොග් ඒකට පෝස්ට් එකක් දෙකක් ලියාගන්නවත් වෙලාවක් හම්බ වුනා.

එහෙනම් වැඩි කතා ඕනි නෑ අද ආපු වැඩේට බහිමුකො.

මම අද අරගෙන ආපු දේ ගොඩක්ම අදාළ වෙන්නේ ලංකාවේ විශ්වවිද්‍යාල වල ඉගෙනගන්න අයට. මොකද මේ offer ඒකට apply කරන්න ඒක විශේෂ සුදුසුකමක් වෙනවා. ඒකට ඉතින් Governmentද Privateද කියල වෙනසක් නෑ. අනිත් එක මේ IT Field එකේ අය දන්නවා මේ field එකට මොන උපාධිය අරන් ආවත් වැඩ බැරිනම් ඌ මේ Field එකේ අනාතයෙක් වෙනවා. 
ඒවා වලින් වැඩක් නෑ. එහෙනම් අපි බලමු මේ මොකක්ද කියල.

මම අද අරගෙන ඇවිත් තියෙන්නේ ඩොලර් 1000කටත් වැඩිය වටිනා Software Developer Bundle එකක්. ඒ කියන්නේ මේ service bundle එකේ තියන දේවල් ඔයාට නොමිලේම පාවිච්චි කරන්න පුළුවන්. 
ඒකට ඕනි එකම සුදුසුකම ඔයා විශ්වවිද්‍යාලයක Undergraduate කෙනෙක් වෙන එක විතරයි. ( මේක එහෙම නැති අයටත් ගන්න පුළුවන්ලු.  මම නම් ඒක ගැන දන්නේ නෑ. ගත්තොත් මටත් comment එකක් දාල කියන්න. ) ඒකට අවශ්‍ය වෙන්නේ University එකෙන් ඔයාට දීපු Private mail එක හරි campus ID එක හරි විතරයි. 

අපි එහෙනම් ඉස්සෙල්ලම බලමුකෝ මේක ගන්නේ කොහොමද කියල ඊටපස්සේ තියන දේවල් මොනවද කියල එකින් එක බලමු. 

ඉස්සෙල්ලම මේ පල්ලෙහා තියන Link ඒකට යන්න. ඔයාට campus එකෙන් Private Mail එකක් දීල තියනවා නම් මේ විදියට කරන්න. නැත්තන් ඔයා හිතන් ඉන්නේ campus ID එක use කරන්න නම් මේක කරන්න ඕනි නෑ..

ඉස්සෙල්ලම එහෙනම් www.github.com කියන ලින්ක් ඒකට ගිහින් කැම්පස් මේල් එක දාලා Account එකක් හදන්න. මම ඒක කියල දෙන්න යන්නේ නෑ. (එහෙම එකක්වත් කරගන්න බැරිනම් මේක තවදුරටත් කියවන්න එපා.)

දැන් ඒකෙන් log වෙලා ඉද්දි මේ මම පල්ලෙහා දාල තියන Link ඒකට යන්න.

https://education.github.com/pack/

එතකොට ඔයාලට ඉස්සෙල්ලම පෙන්නේ මේ වගේ page එකක්.

හරි දැන් අපි Pack එක ගන්න යන්නේ. Get Your pack කියන button එක ක්ලික් කරන්න.

මෙහෙම එකක් ආවොත් ඔයා අර හදාගත්ත Github Account එකෙන් log වෙන්න.

දැන් මේ වගේ page එකකට තමයි එන්නේ

හරි දැන් Yes, I'm a student කියන button එක ක්ලික් කරන්න. ඔයා student කෙනෙක් නෙමෙයි නම් යට පොඩියට තියන ලින්ක් එක ක්ලික් කරන්න.

දැන් මේ වගේ Form එකක් තමයි පුරවන්න එන්නේ.

මේ තියෙන්නේ ඒ Form එක.

මේකේ Name කියන තැනට ඔයාගේ නම දෙන්න. දැන් ඔයා කැම්පස් එකක ඉගෙනගන්නවා කියල අපි verify කරන්න ඕනි. ඒකට ක්‍රම දෙකක් තියනවා. එකක් ඔයාගේ Campus Mail එක. ඔයා එකෙන් verify කරනවා නම් ඔය Dropdown එකෙන් එක select කරන්න. (ඕකට ඕනි නිසයි මම එකෙන් account එක හදන්න කිව්වේ. නැත්තන් දැනටම තියන ඒකට එකතු කරන්නත් පුළුවන්.)

එහෙම නැතුව ඔය කැම්පස් ID එකෙන් verify කරනවා නම් campus id එකේ ඉස්සරහ පැත්තේ ඒ කියන්නේ campus එකේ නමයි ඔයාගේ නමයි දෙකම තියන පැත්තේ පැහැදිලි colour ෆොටෝ එකක් අරන් ඔය Upload Validation කියන ඒකට upload කරන්න.

ඉතුරු ටික ඉතින් පුරවන්න කියල දෙන්න ඕනි නැනේ. Graduation Year එක ඉතින් අපේ නම් id එකේ ගහල තියනවා. පස්සේ ඔය යටම තියන Submit Request කියන එක ක්ලික් කරන්න. ඊටපස්සේ තව තව ප්‍රශ්න ටිකක් අහයි. ඒවාට ඔයාට කැමති උත්තරයක් දෙන්න.

වැඩේ හරියටම කරානම්, ඔයාගේ campus mail ඒකට Email එකක් එයි. එහෙම නැත්තන් ඔයා දැනටමත් Github account එක හදපු Email ඒකට mail එක එයි. මොරටුවේ කැම්පස් mail එකටනම් Verification එක එන්න ගියේ විනාඩි 5යි. ID එකටනම් සමහරවිට දවසක් වගේ යනවා.

ඊටපස්සේ Verification එක ආවට පස්සේ ඔයාට ඕනි වෙලාවක https://education.github.com/pack/offers කියන ලින්ක් එකෙන් ගිහින් මේ bundle එක access කරන්න පුළුවන්.

හරි එහෙනම් මේක ගන්න හැටි දන්නවනේ. මේකේ තියන service ගැනත් මම පොඩි විස්තරයක් කියන්නම්.
ඔක්කොම service 21ක් මේකත් එක්ක දෙනවා. ඔක්කොගෙම වලංගු කාලය අවුරුද්දයි. අවුරුද්ද ඉවර වුනාම ඔයාට මේ වගේම කරලා ආපහු ගන්න පුළුවන් කියල එයාල කියනවා මම නම් තාම කරලා බලල නෑ. 

1. ATOM Text Editor

එයාල පළවෙනියෙන්ම දෙන්නේ මේ ATOM කියන Text Editor එක. Programming කරන අයනම් දන්නවා Text Editor එකක් කොච්චර වැදගත්ද කියල. මේක නම් ඉතින් කොහොමත් Open Source එකක්.

2. AWS Educate

මේක Amazon සමාගමෙන් සපයන අධ්‍යාපනික සේවාවක්. හැබැයි නිකන් දෙන්නේ නෑ. අපි සල්ලි දෙන්න ඕනි. මේකෙන් අපිට Programming විතරක් නෙමෙයි තව ගොඩක් දේවල් ඉගෙනගන්න පුළුවන්. ඒකට අපිට පාවිච්චි කරන්න $150ක් දක්වා Credits හම්බවෙනවා. 

3. Bitnami

මේක Cloud Application Installer එකක්. Databases, Servers එහෙම cloud service වලට integrate කරද්දී පාවිච්චි කරන්න පුළුවන්. මාසෙකට $49ක් වෙන සේවාවන් එයාලගෙන් අවුරුද්දක් පුරාවට අරගන්න පුළුවන්.

4. Carto

මේක Realtime Database systems එහෙම සපයනවා. ඒ වගේම Data Visualization වලට එහෙමත් පාවිච්චි කරන්න පුළුවන්. මේකේ එයාලගේ Premium Features අවුරුදු දෙකක් පුරාවට පාවිච්චි කරන්න ඔයාට අවස්තාව දීල තියනවා.

5. CrowdFlower 

මේක හරහා අපිට Crowd Sourcing Projects run කරන්න පුළුවන්. 

6. DataDog 

මේකෙන් පුළුවන් ඔයාගේ ඕනිම server එකක් Monitor කරන්න. AWS, Azure, Google Cloud Platform වගේ ඕනිම service එකක් එක්ක මේක වැඩ කරනවා. මේකෙත් Pro account එකක් අවුරුදු 2කට ලැබෙනවා.

7. DigitalOcean 

මේක cloud hosting service එකක්. මම ගොඩක්ම use කරනවා. මේකේ ඔයාට ඕනි විදිහට ඕනි කරන plans වලට Linux VPS හදාගන්න පුළුවන්. (අර Social Media Blackout එක දවස් වල මම මේක VPS එකකින් VPN Server එකකුත් හදාගෙන use කරා. කාටවත් අහුවෙලා Ban කරන්නත් බෑ. Data Leak වෙන්නෙත් නෑ. Slow වෙන්නෙත් නෑ. ඒක කරන විදිහ මම වෙන පෝස්ට් එකකින් කියල දෙන්නම්.)
මේකේ ඔයාට use කරන්න $50ක Credits හම්බවෙනවා.

8. Flatiron School

මේකත් Tutorials,  Online Courses එහෙම දෙන තැනක්. ඔයාට Programming එහෙම ඉගෙනගන්න ඕනි නම් මේකෙන් ඒක කරගන්න පුළුවන්. මේකේ ඔයාට $149ක් වටිනා සාමාජිකත්වයක් මාසයක් කාලෙකට ලැබෙනවා.

9. Github

මේක මොකටද මේකට දාල තියෙන්නේ කියල බලයි. ඇත්තටම මේකෙන් ඔයාට Github Pro Account එකක් ලැබෙනවා. සාමාන්‍ය account වල Private Repositories හදන්න බෑනේ. එත් මේකේ Unlimited කරන්න පුළුවන්. මේකත් මාසෙකට $7ක් වෙන සේවාවක් ඔයා ඉගෙනගන්න කාලෙටම එක වලංගු වෙනවා.

10. GitKraken

මේක Git Client එකක්. එකෙත් Professional Version එකක් තමයි ඔයාට හම්බවෙන්නේ. මේකත් අවුරුද්දකට $60ක් වෙන සේවාවක්. අවුරුද්දකට ලැබෙනවා.

11. Hackhands

මේක ඔයාට Programming වලදී ඇතිවෙන ගැටළු වලට පිළිතුරු සහ උපදෙස් ලබාගන්න පුළුවන් සේවාවක්. ඔයාට ගැටලුසගත තැනක් ඇති වුනාම ලේසියෙන්ම මේකට යොමු කරලා පිළිතුරු ලබාගන්න පුළුවන්. මේකටත් ඔයාට $25ක credits ලැබෙනවා.

12.  Microsoft Imagine

මේක තමයි මෙතන තියන වටිනාම එක. ආයේ ඔයාට Windows හොර කොපි use කරන්න අවශ්‍ය නෑ. මේකෙන් ඕනි Windows Version එකක Student Edition එක Freeම ගන්න පුළුවන්. ඊට අමතරව Visual Studio Package ඒකත් නොමිලේම ගන්න පුළුවන්. ඒ වගේම Azure cloud services වල සමහර සේවාවන් අවුරුද්දකට නොමිලේම ලබාගන්නත් පුළුවන්. 

13. Namecheap

මේක තමයි අනිත් වැදගත්ම එක. මේ බ්ලොග් එකේ Domain ඒකත් මම ගත්තේ මේකෙන්. මේකෙන් පුළුවන් වසරක කාලෙකට .me domain එකක් free ගන්න. ඒක අවුරුද්දකට $19ක් වෙන සේවාවක්. ඊට අමතරව වසරක කාලයකට SSL එකත් ගන්න පුළුවන්. ඒකට සාමන්යෙන් අවුරුද්දකට $9ක් යනවා.

14. SendGrid

මේක Email Marketing service එකක්. ඇත්තටම ඔයාට Bulk Email sending එහෙම මෙයාලගේ APIs use කරලා කරන්න පුළුවන්. මෙයාලගේ student plan එකේ මාසෙකට Emails 15000ක් යවන්න පහසුකම් දීල තියනවා.

15. Sentry

මේ service එකෙන් ඔයාලට ඔයාලගේ Project එකේ Codes වල තියන වැරදි හදාගන්න පුළුවන්. ඕනිම Language එකක. මේකෙන් මාසෙකට අවස්ථා 500000ක් සහ Unlimited Projects දෙනවා. ඔයා ඉගෙනගන්න කාලෙටම

16. stripe

Stripe කියන්නේ Payment platform එකක්. මේකෙන් අන්තර්ජාලය හරහා සිදුකරන ගනුදෙනු පාලනය කරන්න වගේම ඒ කරන ගෙවීම ලබාගන්නත් පුළුවන්. ලංකාවටනම් වැඩ කරන්නේ නෑ මං හිතන්නේ. කොහොමහරි මේකේ සිදුකරන පළමු $1000ක මුදල ගාස්තු රහිතව සිදු කරනවා. මේකන් ඔයාලට සාමන්යෙන් $30ක් වගේ ඉතුරු කරගන්න පුළුවන්.

17. Taplystics

මේක Native Mobile Application වලට Realtime Notification සහ Testing සේවා සපයන ආයතනයක්. මේකේ ඔයාට මාස 6කට Unlimited Access ලැබෙනවා.

18. Thinkful

මේකත් Online Courses දෙන සේවාවක්. මේකෙන් මාසයක කාලයකට නොමිලේ Access ලැබෙනවා.

19. Transifex 

මේක use කරලා ඔයාගේ Application එක Localize කරන්න පුළුවන් ඕනිම රටකට ගැලපෙන විදියට, උදාහරණයක් විදියට ජපානයට ගමුකො. එයාලට English වලින් බෑනේ. එයාලට ඕනි විදියට මේක ජපන් භාෂාවට හරවන්න එහෙම මේ platform එක යොදාගන්න පුළුවන්. මේකෙත් මාසෙකට $99ක සේවාවන් වසරක කාලයකට නොමිලේ ලැබෙනවා.

20. Travis CI

මේක Open Source Projects සහ Private Projects Testing සහ Deploying වලට පාවිච්චි කරන්න පුළුවන් platform එකක්. මේකේ මාසෙකට $69ක් වෙන සේවාවන් ඔයා ඉගෙනගන්න කාලෙටම නොමිලේ ලැබෙනවා.

21. Unreal 4 Engine

Unreal කිව්වම හැමෝම දන්නවා Gaming Engine එකක් කියල. මේකේ Free හම්බවෙන Version එකට වැඩිය ගොඩක් features මේ දෙන version එකේ තියනවා. මේකත් ඔයා ඉගෙනගන්න කාලෙටම නොමිලේ ලැබෙනවා.

හරි ඔන්න මං තියන services ගැන කෙටියෙන් කිව්වා. දැන් ඔයාලටම තේරෙනවා ඇති මේකේ තියන දේවල් ඔක්කොම ගත්තොත් $1000 ටත් වැඩිය වටිනවා කියලා. මමත් මේකේ හැමදෙයක්ම use කරලා බලල නෑ.

ඔයාල use කරලා ඔයාලගේ අදහසත් මට කියන්න පල්ලෙහා comment section එකේ comment එකක් දාලා. පොස්ට් එක ගැන ඔයාලගේ අදහසුත් comment එකක් දාල කියන්න.

ඔබට ජය!

Creating Souncloud SMS Notification Service with IFTTT Event based Triggering

ටිකක් දිග නිවාඩුවකින් පස්සේ මම අද ආවේ. ඉතින් එහෙම එද්දී හිස් අතින් එන්නත් බැරි නිසා අලුත්ම Technology එකකින් වැඩ ගන්න හැටි කියලදෙන්න තමයි මම ආවේ. එහෙනම් වැඩේට බහිමු නේ...

ඇත්තටම මම අද හදන හැටි කියල දෙන්න හදන්නේ Event Based Triggering පාවිච්චි කරලා ඔයාගේ Soundcloud එකේ ඔයා Follow කරලා තියන Station එකකට Track එකක් අලුතින් එකතු උනාම ඔයාට එක ගැන SMS එකකින් දැනුම් දෙන පොඩි සරල Service එකක් Freeම හදාගන්න හැටි ගැන. 

Soundcloud කියන්නේ මොකක්ද කියල ඔය Music field එකේ අය එහෙමනම් දන්නවා. තව ඔය podcast අහන අයත් දන්නවා. මටත් මේක ඕනි වුනේ මම අහන Illumination Cast, Hyperstella, Daylight Podcast, Techkatha වගේ podcast වල අලුත් episode එකක් ආපු හැටිය දැනගන්න. ඉතින් මේකෙන් මේ වගේ දේවල් විතරක් නෙමෙයි තව ගොඩක් දේවල් කරගන්න පුළුවන්, මම ඒ ගැන පෝස්ට් එකේ අන්තිමට කියන්නම්.

Event Based Triggering කියන්නේ මොකක්ද?

Event Based Triggering කියන්නේ යම්කිසි event එකක් ඒ කියන්නේ ක්‍රියාවක් නිසා තවත් ක්‍රියාවක් ආරම්භ කිරීම කියන එක. ඒ කියන්නේ උදාහරණයක් විදියට අපේ කාමරේ උෂ්ණත්වේ වැඩි වුනොත් අපි මොකද කරන්නේ අපි එක්කෝ Fan එක දානවා නැත්තන් A/C එක දානවා. ඉතින් මෙතන වුනෙත් Event Based Triggering එකක් තමයි. මෙතන First Event එක තමයි කාමරේ උෂ්ණත්වය වැඩිවෙච්ච එක. ඒක නිසා අපිව Trigger වෙනවා Fan එක හෝ A/C එක on කරන්න.

මේකට අපි පාවිච්චි කරනවා platform එකක්. එකේ නම IFTTT. IFTTT කියන අකුරු වලින් කෙටි කරලා තියෙන්නේ "IF This Then That" කියන එක. ඒ කියන්නේ මේක වෙනවා නම් ඊටපස්සේ මේක කරන්න කියන එක. 

මේක අපි පාවිච්චි කරන්නේ මෙහෙමයි.

IF:

This("Soundcloud එකේ අපි follow කරලා තියන Station ඒකට අලුත් Track එකක් ආවොත්")

Then:

That("මගේ Number ඒකට SMS එක යවන්න")

ඔන්න ඕක තමයි Logic එක.

එහෙනම් දැන් බලමු ඕක සරලව හදාගන්නේ කොහොමද කියන එක.

ඉස්සෙල්ලම අපිට ඕනි IFTTT Account එකක් ඒකට www.ifttt.com වෙබ් සයිට් ඒකට යන්න.

දැන් ඔය page එකේ රතු පාටින් පෙන්නලා තියන ඕනිම විදියකට Account එකක් හදාගන්න. එහෙම හදාගෙන ලෝග්වෙච්ච ගමන් එන page එකේ උඩ හරියේ තියන x click කරලා close කරන්න. ඊටපස්සේ ඔයාලට පෙන්නේ මෙන්න මේ page එක.

මෙතන තියනවා දැනටමත් හදපු මේ වගේ Applets වල පොඩි Portfolio එකක්. අපි දැන් අලුත් එකක් හදන්න යන්නේ ඒ නිසා My Applets කියන එක click කරන්න.

මෙතන තමයි අපි දැනටමත් හදල තියන Service ඒ කියන්නේ Applets තියෙන්නේ. අපි අලුත් එකක් හදන්න හදන නිසා New Applet කියන Button එක ක්ලික් කරන්න.

දැන් අපි අපේ First event එක හදන්නයි යන්නේ. ඒකට ඔය this කියන එක click කරන්න. 

එතකොට මේ වගේ දිග ලිස්ට් එකක් එනවා. මෙතන තියන ඕනිම service එකක events අපිට capture කරගන්න පුළුවන්.

මම Search කරලා Soundcloud කියන service එක අරගන්නවා. මතක් කරගන්න අපි ඉස්සෙල්ලම ගන්න හදන්නේ Soundcloud වලට අලුත් track එකක් එන එක. 

දැන් මෙතනින් Connect කියන එක click කරාම popup window එකක් එනවා

ඒකෙන් ඔයාගේ Soundcloud account ඒකට log වෙලා Permissions දෙන්න. දැන් අපි Soundcloud එක connect කරගත්ත.

මෙතනින් තමයි event එක තෝරාගන්න ඕනි. මෙතනනම් events 4ක් තියනවා. මතක් කරගන්න අපිට ඕනි Soundcloud එකේ අපි follow කරලා තියන Station ඒකට අලුත් Track එකක් ආවොත් කියන එකනේ. ඒ නිසා 3 වෙනි event එක තමයි අපිට ඕනි කරන්නේ. ඒක ක්ලික් කරන්න.

දැන් අපි ඉස්සෙල්ල කියපු event එක වුනොත් කරන එක හදන්න ඕනි. ඒකට ඔය that කියන එක ක්ලික් කරන්න.

ආයෙත් අර කලින් වගේම ලොකු Service list එකක් එනවා. එතනින් අපිට ඕනි SMS නිසා මම එක ක්ලික් කරනවා.

දැන් මේ page එකේ තියන connect කියන එක ක්ලික් කලාම popup window එකක් එනවා. එකේ ඔයාගේ Phone number එක හරියට ගහන්න. ඒ ගහනකොට ගහන්න ඕනි විදියක් තියනවා. ඔයාගේ number එක 0712345678 කියල හිතමුකෝ. ඔයා ලංකාවේ නම් ඔයාගේ Country code එක 94. 

එහෙනම් හරි විදිහ  :  0094712345678

ඔය විදිහට හරියට කලානම් ඔයාගේ phone ඒකට sms එකක් එනවා. (අනිත් Network නම් කොහොමද දන්නේ නෑ Dialog සහ Mobitel වලටනම් වැඩ කරනවා.) 

හරි එහෙම එහෙම එන SMS එකේ ඉලක්කම් 4ක code එකක් එනවා. එක ගහන්න connect ක්ලික් කරන්න. දැන් එකේ වැඩෙත් හරි.

මේකේ ඉතින් තියෙන්නේ එක event එකයි. ඒ ඉතින් sms එක send කරන එක. එක ක්ලික් කරන්න.

මෙතනින් තමයි අපිට එවන SMS එකේ content එක වෙනස් කරන්න ඕනි. ඒක ඉතින් කැමති විදිහට කරගන්න. මම නම් දාල තියෙන්නේ අලුතින් දාපු track එකේ නමයි. Station එකේ නමයි, ඒ track එකේ URL එකයි විදිහට. තව ඕනි නම් Add Ingredients වලින් ගිහින් add කරගන්න පුළුවන්. 

දැන් වැඩ ඉවරනම් Create Action කියන එක ක්ලික් කරන්න.

දැන් ඇත්තටම අපේ වැඩේ 99% ඉවරයි. අන්තිම පියවර විදිහට එන page එකෙන් අපි දීපු විස්තර හරි නම් Finish කියන button එක ක්ලික් කරන්න. 

එතකොට අන්තිමට මේ වගේ ඔයා හදපු service එක නැත්නම් Applet එක ඔයාලට බලාගන්න පුළුවන්. 

මේ තියෙන්නේ මට එහෙම ආපු SMS එකක්.

හැබැයි මේකේ පොඩි Limitation එකක් තියනවා තවම ලංකාවට මාසෙකට එවන්නේ SMS 10ක් විතරයි. US වලටනම් මාසෙකට SMS 100ක් විතරයි.

වැඩේ පැහැදිලි ඇති කියල හිතනවා. ප්‍රශ්න තියනවා නම් ඒකට තමයි පල්ලෙහා comment section එකක් තියෙන්නේ. 

හරි මම පොස්ට් එක පටන් ගද්දි කිව්වනේ මේකෙන් කරගන්න පුළුවන් තව දේවල් කියනවා කියල. 

මම මේකෙන් හදල තියනව තව Applets, 

එකක් තමයි මම මොකක්හරි හෑෂ්ටැග් එකක් එක්ක ෆොටෝ එකක් Facebook upload කලොත් ඒ hashtag එක අදුරගෙන ඒ ෆොටෝ එකම මගේ Twitter එකටයි, Linkedin එකටයි Autoම Upload වෙන්න.

තව එකක් තියනවා මට ඕනි කියමුකෝ යම්කිසි පළාතකට ඇතුල් වෙනකොටම මම මේ පලාතට තමයි දැන් ඇතුල් වෙන්නේ කියාලා දැනගන්න. ඒකට මම Applet එකක් හදාගෙන ඉන්නව. ඒ  පලාතට යද්දීම මගේ phone එකේ Notification එකක් එනවා. මේක වැඩ කරන්න හැබැයි IFTTTලගේ Mobile Application එක දාගෙන ඉන්න ඕනි. බයවෙන්න දෙයක් නෑ Android වගේම iOS වලටත් App එක තියනවා( Windows එවුන් එතනත් කොන් කරලා :-) )  

IoT ඒ කියන්නේ Internet of Things පැත්තට යනවා නම් මෙයාලගේ වෙනම Arduino SDK එකක් තියනවා. එකෙන් මේ Event Based Triggering කියන දේ Internet of Things වලටත් සෙට් කරගන්න පුළුවන්. ඒක ගැන මම වෙනම වෙලාවක් තිබුනොත් කියල දෙන්නම්.

අම්මෝ අතත් රිදෙනවා දැන්. අදට ඇති එහෙනම්.

ඔබට ජය.!

How to create Facebook Nametest application by own - No programming knowledge needed!

ඔන්න අම්මෝ හෙනම කාලෙකට පස්සේ බ්ලොග් එකේ පෝස්ට් එකක් ලියන්නේ. මේ දවස් වල කැම්පස් එකේ presentation සහ අනෙකුත් වැඩත් එක්ක කොහෙද බන් බ්ලොග් ලියන්න වෙලාවක්. එකෙන් වැඩක් නෑ දැන්. එහෙනම් මං අද ටිකක් Facebook එකේ තියන අලුත්ම trend එකක් ගැන තමි කතා කරන්න හදන්නේ. ඔයාල දැකල ඇතිනේ එක එක අය Facebook status update කරනවා එක එක විදියේ test ගැන කියල. උදාහරණයක් විදියට මේ වගේ ඒවා ඔයාල දැකල ඇති.

"ඔයාගේ GF/BF ඔයාට කොච්චර ආදරෙයිද කියල බලන්න."

"කට්ටිය ඔයා ගැන මොකද කියන්නේ"

වගේ දේවල් උදාහරණයකට ගන්න පුළුවන්. මේ තියන්නේ මං කරපු එකක්.

දැන් හැමෝටම තේරෙනවා ඇති මං මේ මොකක් ගැනද කියන්න යන්නේ කියලා. තේරෙන්නේ නැත්තන් ඉතින් ඒකා Facebook කියන එක දෑහට දැකල නැති එකෙක් වෙන්න ඕනි.

හරි එහෙනම් මං කියන්න හදන්නේ මේ වගේ application එකක් අපිටම හදාගන්නේ කොහොමද කියල. සාමන්යෙන් අපිට මේ වගේ එකක් හදාගන්න නම් programming knowledge එකක් ඕනි වෙනවා. ඇත්තටම කිව්වොත් Facebook SDK එක අරගෙන, Image Processing කරලා, Algorithm ලියල තමයි මේක කරන්න ඕනි. ඒත් ගොඩක් අයට ඒ දැනුම නැනේ. ඒ නිසා මං හිතුව මේක programming නැතුව කරන විදිහ පෝස්ට් එකකින් කියල දෙන්න. programming වලින් කරන විදිහත් මං පස්සේ පෝස්ට් එකක් දාන්නම්. 

හරි එහෙනම් අපි වැඩ පටන් ගමු.

ඉස්සෙල්ලම ඔයා browser එකෙන් Facebook ලොග් වෙලා ඉන්න. පස්සේ මේ ලින්ක් එකෙන් TestOny කියන වෙබ් සයිට් එකට යන්න.

TestOnY

දැන් මේ රතු පාටින් පෙන්නන button එකක් click කරන්න.

දැන් ඔයාට popup එකක් ඒවි Create your own test! කියලා. එකේ තියන Continue with Facebook කියන button එක click කරන්න. එතකොට facebook එකෙන් ඔයාගෙන් permission ඉල්ලනවා. ඒක allow කරන්න. දැන් එතකොට මේ වගේ page එකකට එනවා.

මේකේ ඔයාට කැමති ජාතියේ app type එකක් තෝරාගන්න. මං පලවෙනි එක බලන්නම්. 

මේකේ ඉස්සෙල්ලම ඔයාගේ application එකට නමක් දෙන්න. පස්සේ language එක විදියට English දෙන්න.

මේකේ What gender should get this result? කියන තැනට ඔයාගේ මේ result එක අදාළ වෙන්නේ කොයි gender එකටද කියන එක දෙන්න පුළුවන්. එකට හේතුව සමහර වෙලාවට සමහර test වලට දෙන results gender එකත් එක්ක වෙනස් වෙනවනේ. choose an image කියන තැනට ඔයාගේ result එකට මොකක්හරි image එකක් දාන්න ඕනි නම් එක මෙතනට දාන්න ඕනි. Enter your text කියන තැනට ඔයාගේ image එක උඩට මොකක්හරි වාක්‍යක් එන්න ඕනි නම් ඒක දාන්න පුළුවන්. මේ විදිහට ඕනි තරම් results ඔයාලට හදාගන්න පුළුවන්. 

එක කරන්නේ ඔය උඩ image එකේ රවුම් කරලා තියන button එකෙන් තමයි. දැන් ඔක්කොම හරි නම් යට තියන Set Quiz Online කියන button එක click කරන්න. දැන් ඔයාට මේ Test එක share කරන්න පුළුවන් ඔයාගේ යාළුවන් අතර. 

ඒත් අන්තිමට කියන්න ඕනි මේ ප්‍රශ්න ටික මේ system එකෙන් Tests හදද්දී තියනව.

අංක 1 : සිංහල තාම මේකට වැඩ කරන්නේ නෑ. ඒ නිසා සිංහල අකුරු වලින් Tests හදන්න බෑ.

අංක 2 : මේ tests වලදී ඔයාගේ profile analyze වීමක් වෙන්නේ නෑ. shuffle වෙච්ච result                එකක් විතරයි දෙන්නේ. 

එහෙනම් කට්ටියටම වැඩේ මීටර් වෙන්න ඇති කියල හිතෙනවා. මොකක්මහරි අවුලක් තියනව නම් comment එකකුත් දාන්න. වෙලාව තියන විදියට මම reply කරන්නම්කො. එහෙනම් මම ගියා...

Learn Atmega Programming Lesson 2

 අපි ටික දවසකට කලින් අලුතින්ම වැඩක් පටන් ගත්තා කියල මගේ බ්ලොග් එකත් එක්ක හිටපු අය හොදටම දන්නවා..(අපෝ හොද ටික දවස නේද😉😉) ඔව් ටිකක් කල් ගියා තමයි, Project, Exam, Assignment අස්සේ කොහෙද ඉතින් බ්ලොග් ලියන්න වෙලාවක්. එත් ඉතින් ඉඩ ලැබිච්ච වේලාවෙන් හරි ඔන්න අද Atmega පාඩමේ තවත් වැදගත්ම කොටසක් ගෙනාවා.

කලින් කොටස බලපු නැති කස්ටිය මෙතනින් ගිහින් බලන්න.

Learn Atmega Programming Lesson 1

මේ පාඩමේදී අපි,

• හරියට USBasp එකට Drivers install කරන විදිය
• USBasp එක Configure කරගන්න විදිය 
• Program කරන්න පුළුවන් වෙන විදියට Atmel Studio හදාගන්න විදිය

ඉගෙනගන්න බලාපොරොත්තු වෙනවා.

හරි එහෙනම් පටන්ගමු. මම කලින් පොස්ට් එක ඉවරවෙද්දි කිව්වා Atmel Studio සහ WinAVR install කරගෙන USB Drivers බාගෙන ඉන්න කියල.

WinAVR හරියට install කරලද කියල බලන්න පුළුවන් Command Prompt එක open කරලා. ඒකෙ avrdude කියල ටයිප් කරලා Enter කරන්න. එතකොට මේ වගේ ලොකු විස්තරයක් එන්න ඕනි.

දැන් USBasp එක ඔයාගේ Computer ඒකෙ USB port එකට සම්බන්ධ කරගන්න. දැන් Computer icon එක උඩ Right ක්ලික් කරාම එන menu එකෙන් Manage වලට යන්න.

එතකොට එන Window ඒකෙ Device Manager වලට යන්න. මේකෙදි ඔයාගේ පරිගණකයට සම්බන්ධ කරලා තියන සියලුම Devices පෙන්නනවා. මේකේ පල්ලෙහා රූපේ වගේ Other Devices වල තියන අපේ USBasp එක ඉස්සරහින් කහපාට ත්‍රිකෝණයක් පේනවා. 

එහෙම වෙන්න හේතුව USBasp එකට අදාළ Drivers අපේ computer ඒකෙ නොමැති වීම. අපි ඒ Drivers වෙනම install කරගන්න වෙනවා. Windows 7 වගේ තියන අයට නම් පරණ පුරුදු විදියටම Drivers install කරගන්න පුළුවන්. ඊටපස්සේ OS තියන අයට නම් වැඩේ ටිකක් කරදරයි. මම කරන විදිය කියල දෙන්නම් පරිස්සමින් කරන්න ඕනි වැඩක් ඒක.

මම මේ වැඩේ කරේ Windows 10 වල. අනිත් ඒවත් මේකට ගොඩක්ම සමානයි. 
ඉස්සෙල්ලම Search කරන්න Advanced Startup Options කියල. දැන් ඒක open කරගන්න. 

දැන් ඒකෙන් Advanced Startup යටතේ තියන Restart now කියන එක ක්ලික් කරන්න. එතකොට ඔයාගේ computer එක restart වෙන්න ගන්නනවා. 

Restart වෙලා මෙහෙම එකක් එනවා.

එකෙන් Troubleshoot ක්ලික් කරන්න. ඊ ලඟට,

 Advanced Options වලට යන්න. ඊටපස්සේ,

Startup Settings වලට, දැන් වැඩේ හරියටම කලානම් මේ වගේ එකක් එන්න ඕනි.

මේකේ තියන Restart කියන එක දැන් ක්ලික් කරන්න. එතකොට ආයිත් restart වෙලා මේ වගේ එකක් ඒවි.

මේකට ආවාම Keypad ඒකෙ 7 button එක ක්ලික් කරන්න... එතකොට අපේ computer එක on වෙන්න පටන් ගන්නවා. දැන් වැඩේ හරි.


දැන් අපි Download කරගත්ත Drivers තියන zip file එක unzip කරගන්න ඕනි. එකට ඒ file එක උඩ right ක්ලික් කරලා Extarct Here දෙන්න.

(මෙතනින් Drivers ටික අරගන්න.)

දැන් තියෙන්නේ පුරුදු විදියටම Device Manager ගිහින්, USBasp කියන එක උඩ Right ක්ලික් කරලා,

Update Driver Software... කියන එක ක්ලික් කරන්න. එතකොට මේ වගේ එකක් එනවා.

එකෙන් ඔය රතු පාටින් පෙන්නලා තියන එක ක්ලික් කරන්න. ඊටපස්සේ එන window ඒකෙ Browse කියන තැනින් ඔයා Drivers ටික Extract කරපු Folder එක දීල Next ක්ලික් කරන්න. 

දැන් මේ වගේ Warning එකක් ඒවි. එහෙම එන්නේ අපි Driver Signature නැති වෙනම Driver එකක් install කරන නිසා, ඒක ගණන් ගන්න එපා, රතුපාටින් ඉරක් ඇඳලා තියන එක ක්ලික් කරන්න.

දැන් වැඩේ හරියටම කළා නම් Drivers ටික ලස්සනට install වෙලා මේ වගේ Message එකක් එනවා.

මේක Close කරලා දාල අපි ඊළඟ වැඩේට බහිමු.
දැන් ඔයාගේ Atmega IC එක USBasp එකට සම්බන්ධ කරගන්න. දැන් අපි අපේ Atmega Chip එක හඳුන්වල දෙන්න හදන්නේ. USBasp එක computer එකට ගහල Command Prompt එක open කරගන්න.

දැන් Command Prompt ඒකෙ මේ විදියට ගහන්න.

avrdude -p m16 -c USBasp

දැන් Enter කරාම අපි හරියට Chip එක ගහල තියනවා නම් මේ වගේ එකක් තමයි පෙන්නන්නේ.

මේකේ m16 කියල තියන තැනට ගහන්න ඕනි ඔයාගේ Atmega Chip ඒකෙ වර්ගය. මම පාවිච්චි කරේ Atmega16 නිසා තමයි m16 කියල දාල තියෙන්නේ. ඔයා Atmega32 පාවිච්චි කරනවා නම් m32 කියල තමයි එතනට ගහන්න ඕනි. 

මේ විදියට හැදුවට මදි අපි මේ Data, Atmel Studio එකටත් දෙන්න ඕනි. එක කරන්නේ කොහොමද කියල දැන් බලමු.

ඉස්සෙල්ලම Atmel Studio විවෘත කරගන්න.
මම නම් පාවිච්චි කලේ Atmel Studio 6, 7 එකෙත් වැඩි වෙනසක් නෑ. වෙනස් වෙන විදිය මම කියන්නම්.

දැන් Atmel Studio window ඒකෙ Tools tab ඒකෙ External Tools වලට යන්න. 

 දැන් අපි මේ හදන්නේ හදන Programs run කරන්න අපේ Device එක Atmel Studio වලට හදුන්වල දෙන එක.

External Tools වලට ගියාම මේ වගේ window එකක් එනවා.

ඒකෙ ඔය පෙන්නලා තියන විදියට හිස් තැන් වලට දෙන්න. 
Arguments වලට Atmel Studio 6 තියන අය මෙන්න මේ Code එක හරියටම copy කරන්න.

 -p m32 -c usbasp -P usb -U flash:w:"$(ProjectDir)Debug\$(ItemFileName).hex":i

Atmel Studio 7 තියන අය මේක copy කරන්න.

 -p m32 -c usbasp -P usb -U flash:w:"$(ProjectDir)Debug\$(TargetName).hex":i

දැන් OK කරන්න. දැන් වැඩේ හරියට කලානම් මේ වගේ පෙන්වා,

 හරි එහෙනම් දැන් ඒකත් ඉගෙනගත්තනේ. අපි ඊළඟ පාඩමෙන් ඉගෙනගමු සරල වැඩසටහනක් ලියන විදිය සහ වැඩකරවන විදිය. මේක තරම් පරක්කු කරන්නේ නැතුව ඒක ඉක්මනටම අරගෙන එන්න try එකක් දෙන්නම්. මේ පාඩම ගැන ප්‍රශ්න තියනවා නම් comment කරගෙන යන්න.

Learn Atmega Programming Lesson 1

ඔන්න එහෙනම් ගොඩාක් කාලෙකට පස්සේ බ්ලොග් පොස්ට් එකක් දාන්න හිතුනේ. Campus ආවට පස්සෙම දාන පලවෙනි බ්ලොග් පොස්ට් එක මේ... අපේ Course එකේ පලවෙනි අවුරුද්දේදී අපි කණ්ඩායමක් විදියට Hardware Project එකක් කරන්න ඕනි. ඒ අනුව අපි Microcontrollers වලින් වැඩ කරන නව නිපැයුමක් කරලා පෙන්නන්න ඕනි. කොහොමහරි Project Presentation එහෙම කරලා එකක් Approve කරගත්ත කියමුකෝ. ඊළඟට වැඩේ මේක හදන්නත් ඕනිනේ. මට ඒ දවස්වල ඉදලම Electronics පැත්ත එපාම කරපු එකක්... එත් ඉතින් එහෙම කියලත් බෑනේ.. මේක කරන්නත් එපැයි. ඔය නිසා මං ඒවා ගැන හොයන්න ගත්තා... ඉතින් මම ඉගෙනගත්ත ඒවා ටිකක් තමයි මම මේ Microcontroller කුප්පියෙන් කියල දෙන්න හිතුවේ...